Bi dîyarşîyayîşê dovîzî Dolar vera TLyî resa 13.50 û Ewro zî heta 15.01 şîye dîyar. Seba ke ercê TLyî timûtim kêmîyeno û krîzê ekonîmokî xorî beno şar Stenbol û Anqara de vejîya kuçeyan.
Stenbol de endamê partîyanê TÎP, SYKP û xeylêk hemwelatîyî vejîyayî kuçeyan û AKP û Erdogan protesto kerdî. Endamanê SYKPyî pê kankart û sloganan rayraşîyayîşêk kerd û îstîfayê Erdoganî waşt. TÎP zî Kadikoy de eşkerayîyêke daye bale ante ser ke hukmatê AKPyî senî wetat fînayo tengayî. Eşkerayîye de ame vatene ke înanê ke nanê şarî diznayo do tira hesab bêro persayene.
