Heyetê Paştdayîşî yê Stêrk TV û Medya Haber TVyî sereştişê polîsanê Belçîka ser o eşkerayîyêke daye û sereştiş şermezar kerd.
Eşkerayîye wina ya:
”Wextê peyênî de konsepto ke dewleta tirke seba qirkerdişê kurdan amade kerdo, xîret yeno kerdene ke no konsept bêro caardene. Zîyaretê Tirkîya yê ver bi Amerîka, Iraq û Îranî û hetê bînî ra peymanê ke PDKyî reyde ameyê îmzakerdene, pêvînayîşê Erdogan û Barzanîyan nê pêroyî nîşaneyê caaardişê konseptê qirkerdişî yê. Hêrişê vera Metîna zî asta leşkerî ya nê qirkerdişî yê.
Sereştişê vera Medya Haber TV û Stêrk TVyî zî nîşaneyê nê konseptî yê. Televîzyonê ma hetê polîsan ra gêrîyayî binê ablûqa. Bi nê sereştişî yeno waştene ke vengê şarê kurdî bêro birnayene. Nêbeno ke ma vera ney bêveng bimanê.
Ma venga pêro şarê xo danê ke vera na bêhuqûqîye verê xo bido bînaya ma ya televîzyonan.”
