Sûranê Amedî de yê ke bîyê sembolê adirê Newroze, serkêşîya DEM Partî de bi erbaneyan û meşeleyan Newroze ameye fîrazkerdene.
Hemserekê DEM Partî û nêmzedê şaredarî yê Amedî, wekîle Adalet Kaya û xeylêk kesî tewrê şayîye bîyî.
Şayîye de seba ke Rayberê Şarê Kurdî Abdullah Ocalan 75 serre yo, 75 erbaneyî ameyî kuwayene û 75 meşelayî sey sembolê adirê Newroze ameyî tafînayene. Şayîya Newroze de deyîrê kurdkî ameyî vatene û wextêk o derg tîlîlîyî ameyî antene. AMED
