Aktîvîsta Keştîya Azadîye û Îdarekara Komeleya Paştdayîşî ya France-Kurdîstanî Sylive Jan derheqê meseleya kurdan û tecrîdê vera Rayberê Şarê Kurdî Abdullah Ocalanî de qisey kerd.
Jane pare kerd ke kurdî, şarê Rojhelatê Mîyanênî û pêro dinya hewceyê haştîye yê û vat: ”Kurdî cigêrayîşê haştîye de Rojhelatê Mîyanênî de çareserîye temsîl kenê. Tim vajîyeno ‘meseleya kurdan’ la meseleyêka kurdan çin a çareserîya kurdan esta. Kurdî mesele nê cewab ê. Kurdî wazenê temsîlkarê înan birêz Ocalan azad bo. Ganî seba haştîye o bêro veradayene û prosesê haştîye dest pêbikero. Kurdî projeyê demokratîk, ekolojîk û femînîstî rê rayberîye kenê. Mi çimî de kurdî seba dinyaya newîye temsîlîya ameyoxî kenê.
Coka ganî paştdayîşê bi kurdan bêro xurtkerdene, Ocalan bêro azadkerdene û PKK wa lîsteya terorî ra bêro vetene. Nê dewrî de muxalîfî sey terorîstî yenê pênasekerdene. Dewlete nêwazena ney bişinasna coka mehkum kena. Seke S. Demîrtaş vano ‘Dewran do abigêro.’ Temsîlkarê şarî yê ke sey ‘terorîst’ yenê pênasekerdene, sey Mandela do meydanan de bibê û pê çepikan bêrê pêşkêşkerdene.”
Îdarekara Komeleya Paştdayîşî ya France-Kurdîstanî Sylive Jan da zanayene ke seba haştîye mesuldarîye kewena milê her kesî. STENBOL
