Tevgera Azadiya Jinên Êzidî (TAJÊ) ji bo Cejna Çarşema Serê Nîsanê peyamek weşand.
Di destpêka peyamê de hate bibîrxistin ku li gel 73 fermanan jî civaka êzidî çand, bawerî, dîrok û ola xwe parastine û wiha hat gotin: “Cejn û pîroziyên êzidiyan nîşaneya xweza û gerdûnê ye. Her cejn xwedî ilm û felsefeyeke xwezayî, gerdûnî û jiyanê ye. Çarşema Serê Nîsanê jî yek ji cejnên civaka êzidî ye ku nîşaneya avabûna gerdûnê ye. Çarşema Nîsanê sersala civaka êzidî ye.”
Di daxuyaniyê de hat ragihandin ku ji bo parastina çand, bawerî û dîroka xwe, jinên êzidî xwe bi pêşengiya TAJÊ û YJŞ’ê bi rêxistin kirine û dê heta dawiyê bi erka parastina çanda xwe rabin.
Di dawiya peyamê de cejn li tevahiya êzidiyên li welat û derveyî welat hate pîrozkirin û ev bang hate kirin: “Li ku derê dibin bila bibin, divê civaka me çand, bawerî û cewhera xwe ya êzidiyatiyê biparêze. Li dijî her cûre êrîşan hişyar bin, tifaq û yekitiya xwe ava bikin.” ŞENGAL
