Dewleta tirk a dagirker û çeteyên wê li gundê Şerefê yê Eyn Îsayê îşkence li kalekî 52 salî kir. Her wiha çeteyan li gundê Meilik jî seyareyeke û milyonek lîreyên Sûriyeyê ji welatiyek dizîn û ciwanek revand
Hêzên artêşa tirk a dagirker û çeteyên wê yên El Nusra, DAIŞ û OSO’yê li herêmên ku dagir kirine, welatiyan direvînin, digirin, dikujin û mal û milkê gel bi awayeke hovane talan û wêran dikin.
Çavkaniyên ji gundewarên Eyn Îsayê da zanîn ku komên çete yên girêdayî dewleta tirk di 23’yê mijdarê de bi ser mala welatiyê bi navê Ebûd Xelîl El Hemîdî (52) ê li gundê Qere Şerefê yê bajarokê Kormez ê Eyn Îsayê de girt. Çavkaniyan da zanîn ku çeteyan îşkence li kalê 52 salî kirin.
Her wiha çavkaniyekî jî ragihand ku çeteyên ‘Firqeya 20’an’ a girêdayî artêşa tirk a dagirker, bi ser gundê Meilik ê li rojavayê Eyn Îsayê de girtin. Her wiha seyareyekê ji cureya Toyota û milyonek lîreyên Sûriyeyê ji welatiyê bi navê Xazî El Fenûş standin. Ciwanê bi navê Basil Cofan jî ji hêla vê koma çete ve hate revandin. EYN ÎSA
