Efganistan de demo ke Talîban Tebaxa 2021î de dest da serê îqtîdarî û nata, xeylêk qedexeyî cinîyan ser de ame caardiş. Tewr peyîn 30ê Adare de istasyonê radyoyê ‘Vengê Cinî’ yê Bedahşanî pada.
Îdarekarîya Neqlkerdiş û Kulturî yê Talîbanî radyoyê herêmî yê bi nameyê “Vengê Cinî” bi îdiayê ke aşma Remezanî de weşanê muzîkî keno, pada.
Hemverê nê de îdarekara radyoyî Naglaa Şêrzad zî dîyar kerd ke seba nê bernameyê derheqê qedexekerdişê perwerdeyî tutanê kênayan pêşkêş kerdê, no çî hêzê Talîban aciz kerdo. Naglaa dîyar kerd ke dimayê Talîban îdarekarîyê welatî desteser kerdo, radyoyê înan xeylêk reyan ceza werdo, padayê û ard ziwan ke seba nê astengî û cezayan xebatkarê radyoyî keyeyê xo ra bernameyê radyoyî pêşkêş kerdê.
