Milîtanên Talîbanê li bajarê Maydan Vardakê êrîşî leşkerên Afganistanê kirin û zêdetirî 100 leşkerî kuştin
Milîtanên Talîbanê Li bajarê Maydan Vardakê yê Afganistanê li dijî baregeheke leşkerî êrîşeke bombeyî pêk anîn. Piştî êrîşê Talîbanê têkildarî êrîşê daxuyaniyek da û ragihand ku di encama êrîşê de zêdetirî 100 leşkerên Afganistanê jiyana xwe ji dest dane. Wezareta Parastinê ya Afganistanê jî têkildarî êrîşî daxuyaniyek da. Wezaretê Talîbanê piştrast kir û da zanîn ku di êrîşê de zêdetirî 100 leşkerên wan jiyana xwe ji dest dane.
Ev demeke dirêj e di navbera Amerîka û Talîbanê de ji bo çareseriyê hevdîtin tên kirin. Li gel ku rêveberiya Afganistanê bi awayekî erênî nêzî van hevdîtinan dibe jî Talîban rêveberiya Afganistanê rewa nabîne. Ji ber vê yekê li dijî hêzên leşkerî yên vê rêveberiyê dawî li êrîşên xwe nayne û her roj êrîşên xwe yên li dijî rêveberiya Afganistanê zêde dike. KABÛL
