Talîbanê li Afganistanê êrîşî baregeheke leşkerî kir û di encama êrîşê de herî kêm 12 endamên hêzên ewlekariyê hatin kuştin
Talîbanê li başûrê Afganistanê êrîşî baregeheke leşkerî kir. Di encama êrîşê de herî kêm 12 endamên hêzên ewlekariyê hatin kuştin. Rayedaran diyar kir ku êrîş li baregeheke li eyaleta Meydani Vardakê pêk hatiye.
Di encama êrîşa bi wesayîta bombebarkirî de herî kêm 12 endamên hêzên ewlekariyê mirin, bi dehan jî birîndar bûn. Li gorî Reûtersê, waliyê eyaletê Mûhebûllah Şerîzayî got ku du kesên çekdar hewl dane bikevin nav baregehê û hatine kuştin. Walî ragihand ku wesayîteke din a bombebarkirî hate tespîtkirin û îmhakirin.
Midûrê tenduristiyê yê eyaletê Mûhammed Salîm Aşgarhîl diyar kir ku 28 endamên hêzên ewlekariyê yên birîndar bûn rakirin nexweşxaneyê û dibe ku bîlanço girantir bibe.
Tevgera Talîbanê berpirsyariya êrîşê li xwe girt. Berdevkê Talîbanê Zabîhûllah Mucahîd diyar kir ku di êrîşê de bi dehan kes mirine yan jî birîndar bûne. KABÛL
