Wekîla Partîya Çep a Keske ya Wanî Gulcan Kaçmaz Sayyîgîte derheqê tecrîdê vera Rayberê Şarê Kurdî Abdullah Ocalanî û kampanyaya TJA yde ANFyî rê qisey kerd.
Sayyîtîge da zanayene ke kampanyaya TJA heta 8ê Adare Roja Cinîyan dewam bikera û vat: ”Armancê kampanya yo esas tecrîdê vera Birêz Ocalanî yo ke nika pêro komelî rê ameyo vilakerdene. Tecrîd armanc keno ke fikrê Rayberê Şarê Kurdî Abdullah Ocalanî wa nêrê caardene. Pêvînayîşê bi Birêz Ocalanî yeno manaya qedîyayîşê şerî û caardişê haştîye. Coka sere de cinîyî şarê ma seba ke tecrîd biqedo û azadîya Abdullah Ocalanî bêra caardene karanê cidîyan do bikerê.”
Sayyîgîte dîyar kerd ke tecrîdê vera Abdullah Ocalanî mîyanê pêro komelî de ameyo vilakerdene û vat: ”Tecrîd vurîyayo rewşêka winayêne ke hînî îqtîdar keno ke mezgê ma zî tecrîd bikero. Zîndanan de binpaykerdişê heqanê merdiman resayî asta tewr berze, sîyaseto demokratîk yeno astengkerdene. Ma hol zanenê ke polîtîkaya tecrîdî şer ana û eke tecrîd biqedo haştîye do bêra. Seba ke tecrîd biqedo û heqê kurdan Qanûnê Bingeyînî de bêrê dayene ma do xebatanê xo rê dewam bikerê.” WAN
