Huqûqnas û Parlamenterê Partîya Sosyalîstî ya Swîsre Jean Tschoppî derheqê tecrîdê Îmraliyî de ANFyî rê qisey kerd.
Tschoppî ard ziwan ke şertê tecrîdê serê Abdullah Ocalanî çirey nînê qebulkerdene û vat: ”Heqê Ocalan û tepişteyanê bînan ê Îmraliyî yenê binpaykerdene. Tekîlîya înan bi teberî ameya qerfnayene. Cayê nê ne hueqûq de merdimîye de est o. Komîteya Vergirewtişê Îşkneceyî ya Ewropa (CPT) şîya Tirkîya la Îmrali zîyaret nêkerdo, çîyo winayên nîno qebulkerdene. Seba ke CPT nêşîyo Îmraliyî qesawetî zêdîyayî. Heqê Swîsre est o ke sere de Mehkemeya Heqanê Merdiman a Ewropa û xeyêk dezgehan ra ke tecrîd kirişîyayo rojdemê ci, zanayîş biwazo. Coka ganî Swîsre şiro Tirkîya ser ke wa berpirsîyaranê xo bîyaro ca. Seba ke meseleya kurdan mero çareserkerdene tecrîd yeno xorîkerdene. Dewleta tirke ganî rexneyê ke ci rê benê goştarî bikero meseleya kurdan çareser bikera. Swîsre zî eşkena çareserkerdişê meseleya kurdan de rolê xo kay bikero.”
