Nivîskarê alman Tobias Huch bi navê ‘Kurdistan: Wek miletekî mezlûm ê Rojhilata Navîn’ pirtûkek amade kir. Ji ber ku nivîskar têkildarî Kurdistanê pirtûk nivîsand ji aliyê nijadperestên tirk ve hedef tê nîşandan
Bi almanî pirtûkeke din li ser kurdan kanûna bihurî derçû. Pirtûka weşangerê alman Tobias Huch bi navê ‘Kurdistan: Wek miletekî mezlûm ê Rojhilata Navîn’ (Kurdistan: Wie ein unterdrücktes Volk den Mittleren Osten) ji weşanxaneya Reva weke 224 rûpel derçûye.
Di pirtûkê de gelek wêneyên ku Huch bi xwe li Kurdistanê girtine, cihê xwe digirin. Nivîskar ji beriya mîladê bi 3 hezar salan dest bi vegotina xwe dike û zûzûka xwe digihîne sedsala 19´an û 20´an ku pê bê statu hiştina kurdan bi destê hêzên mezin ên emperyal tê ferzkirin.
Mirov gava pirtûkê û zimanê vegotinê dixwîne, tê digihîje ku nivîskar wiha qebûl dike ku ev bêstatuhiştina gelê kurd li cem welatên rojavayî êdî veguheriya aqilê dewletê. Huch ji ber fikrên xwe yên lîberal û her wiha alîgiriya xwe ya aşkera ya siyasî di nav lîberalên alman de bûbû armanca dijminahiya nijadperestên tirk li Almanyayê.
Li ser nivîskar û pirtûka wî li ser înternetê û nexasim jî li ser malpera amazon.de, nijadperestên tirk êrîş birin ser şexsê nivîskar Huch û pirtûka wî jî bi hesabên qelp weke nebaş nirxandin. Beramberî vê Kurdische Gemeinde in Deutschland û Pena Kurd jî daxuyanî dabûn û ev kampanyaya reşkirinê şermezar kiribûn. FRANKFURT
