Hemserekê Pêroyî yê HDPyî Sezaî Temellî, parlementer, rayîrber û endamê HDPyî do şêrî Goristanê Yenîkoyî yê mezelê Zulkuf Gezenî ke seba wedarnayîşê tecrîdê serê Rayberê PKKyî Abdullah Ocalanî Zindanê Tîpa Fyî yê Tekîrdagî de şewa 16ê Adare de cuya xo peynî kerd ser
Zulkuf Gezenî seba şermizarkerdişê tecrîdê serê Rayberê PKKyî Abdullah Ocalanî Zindanê Tîpa Fyî yê Tekîrdagî de şewa 16ê Adare de cuya xo peynî kerd. Badê ke keye malumat girewt seba teslîmgirewtişê cenaze şî Tekîrdag û berdî morgê Teyaregehê Ataturkî yê Stenbolî. Parlementerê HDPyî, datîzayê Gezen û xeylê kesî Teyaregehê Ataturkî de cenaze pêşwazî kerdî. Keyeyê Gezenî waşt ke ewro saet 09.50î de cenaze defin bikerî û bîyarî Amed. Labelê polîsan keye tehdît kerd û waşt ke cenaze şewe de defin bikerî. Seba ke keye talebê polîsan qebûl nêkerd, polîsan bê malumatê keye teyaregeh de dest ronayî cenaze ser û ardî Amed.
Polîsan bi nimite cenaze Teyaregehê Ataturkî ra bi teyareyê THYyî yê seferê TK2600î saet 00.20î de ard Amed û xebera keye cenaze defin kerd. Polîsan destûr nêdayî parlementerê Partîya Demokratîke ya Şaran (HDP) cenaze pêşwazî bikerî û tewrê merasîmê cenaze bibî.
Hemserekê Pêroyî yê HDPyî Sezaî Temellî, parlementer, rayîrber û endamê HDPyî ewro saet 12.00î de do şêrî Goristanê Yenîkoyî yê mezelê Zulkuf Gezenî ke seba wedarnayîşê tecrîdê serê Rayberê PKKyî Abdullah Ocalanî Zindanê Tîpa Fyî yê Tekîrdagî de şewa 16ê Adare de cuya xo peynî kerd ser. AMED
