Tepişteyê dewaya PKK û PAJKî 27ê teşrîna peyêne ra nata zîndananê Tirkîya de çarçewa Hemleya ‘Abdullah Ocalanî rê Azadîye, Meseleya Kurdan rê Çareserîya Sîyasîye’ de vera tecrîdê Îmraliyî û seba çareserîya meseleya kurdan grevê vêşanîye kenê.
Zîndanê Beşîkduzuyî yê Trabzonî de tepişte Dilgeş Yaşaro ke 8 serrî yo tepişte yo, grevê vêşanîye de yo.
Dilgeş Yaşarî keyeyê xo de qisey kerd û înan rê pare kerd ke tecrîdî reyde şertê pêro zîndanan ameyê xirabkerdene. Yaşarî vat: ”Mumkîn nîyo ke ma tecrîdî normalîze bikerê. 3 serrî yo ma nêeşkenê Rayberê xo ra xeberêke bigêrê. Serê dinya de çîyo winayên o bîn çin o.
Dewlete bi hawayêkê bêmabî sûcanê tecrîdî rê dewam kena. Vera nê tecrîdî ma grevê vêşanîye de yê. Çalakîya tewr pîle vengvetiş o. Wa şarê ma her wextî ra zêdeyêr têbigêro û wayîrê na çalakîya ma vejîyo.” COLEMÊRG
