Tepişteyo nêweş Halîl Guneşo ke Zîndanê Amedî de tepişîyayêne rixmê raporê ‘nêeşkeno zîndan de bimano’ vera nêdîyabî û dinyaya xo bedilnabî. Cenazaya Guneşî Amedî ra ameye berdene bi Adana û wedarîyabî morgî.
Parlementerê HDPyî Tulaye Hatîmogullari, Muazzeze Orhan Işik û Kemal Pekoz, keyeyê Guneşî, îdarekarê Tevgerê Cinîyanê Azadan (TJA), Partîya Demokratîke ya Şaran (HDP), Partîya Herêmê Demokratîkî (DBP), AKYAY-DER, AATUHAY-DERî û xeylêk kesî tewrê merasîmê cenaza bîyî. Merasîm de qala rewşa tepişteyan ê nêweşan ameye kerdene. Dima cenazaya Guneşî Goristanê Burukî de ameye definkerdene.
Tulaye Hatîmogullari merasîmê cenaza de qisey kerd û waşt ke tepişteyê nêweşî wa bêrê veradayene. Keyeyê Guneşî taxa Meydanî ya qezaya Seyhanî de banê xo de do serweşîyan qebul bikero. ADANA
