Tepişte Tahîr Gurdal (53) zîndan pê nêweşîya kanserî kewt û 19 rojî Nêweşxaneyê Perwerde û Cigêrayîşî yê Gazî Yaşargîlî de pê kelemçeyan ame tepiştene. Gurdalo ke cezaya ci ameye peydeeştene, 13 rojî dima dinyaya xo bedilnaye.
Tepişte Gurdal rixmê nêweşîya xo ya girane 10 serrî yo Zîndanê Tîpê Fyî yê Wanî de ameyêne tepiştene û dima ra semedê tedawîyî sewqê Zîndanê Amedî bi. Gurdalo ke bi rojan pê kelemçeyan nêweşxane de mend, 28ê teşrîna peyêne de cezaya ci ameye peydeeştene û ame veradayene.
Cenazeya Tahîr Gurdalî ke vizêr şewe wecîbeyê ci yê olî ameyî caardiş ber bi qezaya Geverî ya Colemêrgî ra kewt rayîr. Cenazeya Tahîr Gurdalî saetanê serê sibayî de herêma ‘Pira Kerem Axayî’ ya qezya Geverî de ameye pêşwazîkerdiş. Cenazeya Gurdalî bi konvoyo ke desan wesayîtan rap ê ameyêne, seba definkerdişî ver bi goristanê Raşteyê Ormanî ra kewte rayîr.
Cenazeya Tahîr Gurdalî sere de berzî keyeyê ci, dima ra bi tewrbîyayîşê seyan kesan bi hawayêk girseyî goristanê Raşteyê Ormanî de bi duayan ame definkerdiş. Şînê Gurdalî do Camîyê Hz. Hamza yê Raşteyê Gungorenî de bêro ronayîş. AMED
