Tepişte Mehmet Yamaço ke Zîndanê Bunyanî yê Kayserî de nêweşo giran o bi rayîrê wasîyê xo Ugur Sayanî da zanayene ke heme heqê înan yenê bipaykerdene û seba ke bale bianco zextanê zîndanî ser, dest bi grevê vêşanîye yê bêdemî kerd.
Mehmet Yamaço ke nameyê ci lîsteyê tepişteyanê nêweşan ê Komeleya Heqanê Merdiman (ÎHD) de yo 2ê êlule de bi rayîrê telefonî keyeyê xo rê vatbi ke o nêeşkeno nefes bîgiro.
Sayanî vat: ”Yamaç nêweşê cigerî yo coka nêeşkeno nefes bigîro. Tay rojan de çend reyî tupê oksîjenî rê girêdîyeno. Seba ke cihazê oksîjenî katê diyîn de yo o seke şino zor dîyeno ci û dej anceno. Yamaçî waşt bi îmkananê xo cihazêk bîgêro la îdareyê zîndanî destur nêdano vano semedê naye raporê nêweşxaneyî hewce keno. Yamaç zî seba ke nêweşîya ci ya kronîk esta rîyê pandemî ra nêwezano şiro nêeşxane. Xora vano no rapor dosyaya zîndanî de esto. Seba ke operasyonê ‘agêrayîşê cuya’ de gaz erzîya tepişteyan 17 serrî yo Yamaç dejê cîgerî anceno. Yamaçî da zanayene ke seba ke tewirê teberê merdimîye yê îdareyê zîndanî protesto bikero û bale bianco zext û caardişanê faşîzanan ê zîndanî ser o 28ê êlule de dest bi grevê vêşanîye yê bêdemî kerd û veng da rayapêroyî û heme hetanê eleqedaran ke wa hîsgêr bê.” KAYSERÎ
