Yaşar Kirmiziyî Riha de serra 1992yî de hetê Mehkemeya Asayîşî ya Dewlete (DGM) ra bi îdîaya ”xeripnayîşê yewîya dewelte” ame tepiştene û cezaya muebedî dîyaye ci.
Yaşar Kirmizi yo ke serranê xo yê ciwanan de kewt zîndan 56 serre Zîdanê Tîpê K1 yê Karakoçanî ra ame veradayene. Kirmizi wextê tepişnayîşê xo yê 32 serran de zîndananê Amed, Dîlok, Bolu û Xarpêtî de mend.
Merdim û embazê Kirmizîyî û Musa Şanako ke badê 30 serran 16ê tebaxe de ame tehlîyekerdene şîyî vera Yaşar Kirmiziyî. Yaşar Kirmizi yo ke berê zîndanî de bi tilîlî û çepikan ame selamkerdene dima ra kewt rayîrê memleketê xo qezaya Serêkaniyê ya Riha.
