Komîteya TEV-ÇANDî ya PKKyî Halîl Dago ke koyan de dîrektorîya sînema kerdêne serrgêra şehadetê ci de bi eşkerayîyêke yad kerd.
Eşkerayîye wina ya:
”Embaz Halîl Dag 1ê nîsana 1988î de dafika dewleta tirke de şehîd bi. Embaz Halîlî peyê xo de mîrasêko pîl verda, ey 13 serran leweyanê koyan de kedêka bêhempa daye. Embaz Halîl bi nuştoc, fotografkêş, dîrektor, şorişgêr û gerîla. O bi dostê koyan. Halîl erebkî de yeno manaya embazo tewr nêzdî. O bi embazo tewr nêzdî yê koyan.
Ey vatêne ‘Yew kameraya ma est a, yew zî embazîya ma est a.’ Ey giranîya şerî, xatirwaştişê bêwextî, huyayîşê gerîlayan û vîrameyîşê gerîlayan nuştî. Ey cepheyêko newe yê şerî akerd. Fotografê gerîlayanê ke ey girewtbî zerrîyî kerdî germ. Ey ra tepîya dîmenê koyan, vîrameyîşî, hîs û bawerîyî mendî. Ey pê fîlmanê xo gan da hîkayeyan. Şîîrî nuştî, cuya gerîlayan kerde mîyanê edebîyatî.
Halîlî koyan ra hes kerdêne, koyan û her kesî zî ey ra hes kerdêne. O kendalanê xidaran, gelîyanê xorinan, leweyanê koyan ra gêra, o gêra hîkayeyanê nêmcetan. Halîl Dagî yew sînemaya koyan viraşta. Rixmê pêro rewşanê zor û ‘bêîmkanan’ xebatê tarîxîyî kerdî.
Embaz Halîlî nuşte û fîlmanê xo de cayêko cîya da cinîyan ê kurdan û Têgêrayîşê Azadîye yê Cinîyan. Embaz Halîl eşiqê cuya azade bi, eşiqê koyan, gerîlayan û Rayber Apoyî bi. Ey tim xîret kerd ke sozo ke dabi Rayber Apoyî bîyaro ca. Ey bi tewirê Apogîrî koyanê azadan de têkoşîn kerd. Nameyê projeyê ci yo peyêne ‘Raywanê Koyê Araratî’ bi. O gerîlayan reyde derbazê vakurê welatî bi û şi ebedîyet. Erk û sozê ma yo ke ma rayîrê ey ra dewam bikerê, azadîya Rayber Apoyî bîyarê ca. Embaz Halîl bêmerg o.” BEHDÎNAN
