Şandeyeke ji Tevgera Azadî serdana Nûnertiya HDP’ê ya Hewlêrê kir. Şandeyê diyarkir ku li dijî dagirkeriya qeyûm ew bi HDP’ê re ne
Rêveberên Tevgera Azadî tevî şandeya pê re serdana Nûnertiya HDP’ê ya Hewlêrê kir. Piştî serdanê jî rêveberên Tevgera Azadî daxuyaniyek da raya giştî. Di daxuyaniyê de qala tayînkirina qeyûman a li ser şaredarên bajarên mezin ên Amed, Mêrdîn û Wanê hate kirin.
Di daxuyaniyê de rêveberan destnîşan kirin ku li dijî darbeyên dagirkerî û siyasî, ew bi HDP’ê re ne ku aştî, demokrasî û jiyanê diparêze. Daxuyanî wiha dom kir: “Em gelê xwe yê Bakur pîroz dikin ku li dijî desteserkirina sê şaredariyên HDP’î li ber xwe dide. Em bi wan re ne. Heta niha bi berxwedanê gelek tişt hatin bidesxistin. Ji niha û pê ve jî dê bi berxwedanê bên afirandin.”
Hat zanîn ku şandeya ji Tevgera Azadî dê tevî şandeya jinan a HDP’ê ku hatibû serdana Başûr, dê hewl bidin xwe bigihînin Kampa Penaberan a Mexmûrê ku ji hêla PDK’ê ve hatiye tecrîdkirin. HEWLÊR
