Tevî ku qedexeye jî torbeyên dengan ên li Amedê, polîsan anîn edliyeyê. Hat zanîn ku di dema anîna torbeyên dengan ên gundewarên Amedê de jî cendirme bi serokên sindoqan re bûn
Li Amedê piştî ku saet di 16.00’an de dengdayîn bi dawî bû, li dibistanan hejmartina dengan jî dest pê kir. Sindoqên hilbijartinê û torbeyên dengan ên tax û gundewarên Amedê hêdî hêdî ji hêla peywirdaran ve tînin Edliyeya Amedê. Hat zanîn ku serokên sindoqan dema ku torbeyên dengan di anîn, tevî cendirmeyan ketin edliyeyê.
Li navenda Amedê jî sindoq û torbeyên dengan anîn edliyeyê. Tevî ku qedexeye jî, polîsan torbeyên dengan anîn Edliyeyê.
Li Êlihê jî piştî ku dengdayîn bi dawî bû, gelek welatiyan xwest ku li dibistanan hejmartina dengan bişopînin. Lê polîsan destûr nedan ku welatî bikevin dibistanan. Welatiyên ku hatine astengkirin, li derdora dibistanan disekinin. Sindoqên ku encama wan temam bûn û torbeyên dengan jî derbasî Saziya Hilbijartinê ya li Edliyeya Êlihê hatin kirin.
