Akademiya Şehîd Jînda ya Leşkerî ya girêdayî YPG û YPJ’ê dewreyeke perwerdeyê ya şervanên nû bi dawî kir.
Şervanên ku biryara tevlibûna YPG û YPJ`ê dane û 4 meh in di dewereya bi navê Şehîd Zinarîn de perweredeyê dibînin, duh perwerdeya xwe bi dawî kirin.
Şervanan di dewreyê de waneyên fikirî yên li ser rêbazên şerê taybet, rastiya jinan, dîroka Kurdistanê, perwerdeyên leşkerî û çawaniya bikaranîna çekên cur bi cur dîtin.
Di merasîma bidawîkirina dewreyê de, şervanên YPG û YPJ’ê, gelek şênî û endamên ji saziyên civaka sivîl amade bûn.
Merasîm bi merasîmeke leşkerî dest pê kir û piştre fermandarên YPG û YPJ’ê axivîn. Fermandaran bidawî bûna dewreyê li şervanan pîroz kir û destnîşan kirin ku divê erka xwe ya parastina herêmê bi cih bînin û destkeftiyên ku bi saya şehîdan hatine bidestxistin biparêzin.
Piştre axaftinan şervanan sond xwarin.
Di dawiya merasîmê de li ber stranên şoreşgerî govend hatin gerandin. HESEKÊ
