Turo diyîn ê weçînayîşê serekkomarîye yê Tirkîya ewro yo. Weçînayîş do mabênê şefê hukmatê AKP-MHPyî yê faşîstî Erdogan û lîderê CHPyî Kemal Kiliçdarogluyî de bêro kerdene.
Seba turê diyînî 60 mîlyon û 769 hezar û 268 weçînitoxî do raye bidê.
Weçînitoxî bi yew pusula û zerfî raya xo bidê. Raydayîş do heta saete 17î dewam bikero. Dima heta saete 21î qedexeyê weçînayîşî est bê. Eke Heyetê Weçînayîşî yo Berz (YSK) hewce bivîno qedexeyî rew do bêrê berzkerdene.
Seba ke bieşkê raya xo bidê ganî hetê weçînitoxan de nasnameyê înan yan zî belgeyêko fermî est bibo.
Welat de seba raydayîşî 191 hezar û 884 sindoqî ronîyayî.
