Wezîre Weşîye yê Tirkîya Fahrettin Kocayî hesabê xo yê medyaya komelkî Twîtterî ra da zanayene ke 24 saetanê peyênan de 311 kesê bînî pê Vîrusê Korona kewtî û hûmara merdeyan zî bîye 9.
Kocayî va: ”3656 şikdaranê bînan rê testê ame kerdene û înan ra testê 311 kesan pozîtîf vejîyayî. Hûmara nêweşan bîye 670 û hûmaran zî bîye 9. 5 nêweşê ma yê ke extîyar bî û xoverdayîşê înan sist bi cuya xo vindî kerdî. Kesê ke merdî heme extîyarî. Ma extîyaranê xo bipawê.”
Goreyê nê doneyan 24 saetan de hûmara merdeyan û nêweşan bîye dilab. Perey hûmara nêweşan 359 û hûmara merdeyan 4 bî.
