Merkezê Xeberan]
Tirkîya de hûmara kesê ke bi Vîrusê Korona kewenî roj bi roje zêdîyena. Wezîrê Weşî Fahrettin Koca eşkerayîyêke da û netîceyê 24 saetanê peyênan eşkera kerd. Koca dîyar kerd ke ewro 16 kesê bîn cuya xo vindî kerdî û tewrê înan heta nika 108 kesî merdî. Koca ard ziwan ke hezar û 704 kesanê newe de vîrus ameyo tespîtkerdene û tewrê înan hûmara kesê ke bi vîrus kewtî zî resaye 7 hezar û 402 kesan. Hûmara nêweşê ke heta nika baş bîyî zî bî 70 kes û rewşa 445 kesan giran a.
