Nivîskar û çavdêrê siyasî Mesud Ebdulxaliq got ku dewleta tirk dijminê herî mezin ê gelê kurd e û bang li hemû kurdan kir ku li dijî êrîşên dewleta tirk yekitiya xwe pêk bînin
Dagirkerî û êrîşên dewleta tirk yên li ser başûr û rojavayê Kurdistanê berdewam dikin. Dewleta tirk bênavber leşker dişîne başûrê Kurdistanê û xaka başûr dagir dike.
Nivîskar û çavdêrê siyasî Mesud Ebdulxaliq têkildarî êrîşên dewleta tirk ji Rojnewsê re axivî û wiha got: “Hinek pirsgirêkên taybet bi parçeyek ve girêdayîne û pirsgirêka din a mezin jî ya her çar parçeyên Kurdistanê ye. Ispat bû ku dewleta tirk dijminê herî mezin ê gelê kurd e. Operasyonên dewleta tirk yên li ser her parçeyê Kurdistanê berdewam dikin. Dewleta tirk ji navê Kurdistanê jî aciz e, naxwaze navê Kurdistan û nexşeya Kurdistanê di cîhanê de bê dîtin. Ji bo vê pêwîst e kurd ne li benda wê bin dê bibe dostê kurdan. Pêwîst e li hemberî dijmin yekitiya xwe ava bikin.” HEWLÊR
