Navenda Nûçeyan |
Serokê Komeleya Dadger a Kurdistanê Elî Bapîr li Brîtanyayê di semînerekê de axivî. Elî Bapîr bal kişand ser hewldanên dewleta tirk ên dijî Partiya Karkerên Kurdistan (PKK) û wiha got: “Carek me bi Hemeî Hacî Mehmud re serdana Tirkiyeyê kir, li wir em bi Wezareta Derve ya Tirkiyeyê re civiyan. Berpirsên Tirkiyeyê ji me xwestin em PKK’ê weke ‘terorîst’ bi nav bikin. Nûnerên PDK û YNK’ê li wir gotin ku ew ê bi Mekteb Siyasiyên xwe re vê yekê bişêwirin.”
Elî Bapîr diyar kir ku wî di wê civînê de li ser daxwaza Tirkiyeyê ev tişt aniye ziman: “Pêwîstiya min bi şêwiriyê nake û ez li vir ji were dibêjim. Ji ber ku PKK bi Tirkiyeyê re şer dike, ez PKK’ê weke ‘terorîst’ pênase nakim. Ji ber ku PKK parastinê li miletek mazlum dike. Ev bersiva min gelek zora wan çûbû.”
Elî Bapîr ku di semînerê de axivî, di dewama axaftina xwe de wiha got: “Min pirtûkek li ser terorê nivisandiye, ev pirûk bi zimanên farsî, erebî û tirkî hatine wergerandin. Pênaseya teror kesên ku parastina miletê xwe dike, nagire nava xwe.”
