DMME’yê ji bo ku dadgeha li Tirkiyeyê peyva “Amno” ya di zimanê sûryanî de tê wateya “kesê pêbawer” qedexe kiribû neheq dît û Tirkiyeyê mehkûm kir
Dewleta tirk bi polîtîkaya nijadperestiyê gelên li Tirkiyeyê dihelîne. Ji ber vê polîtîkaya yek yekiyê ceza lê hat birîn. Dadgeha Mafên Mirovan a Ewrûpayê (DMME ) di binpêkirina mafan de Tirkiyeyê neheq dît. Hemwelatiyê sûryanî yê li Swêdê dijî di sala 2005’an de xwest li navçeya Midyadê ya Mêrdînê paşnavê xwe bi peyva “Amno” ya ku di zimanê sûryanî de tê wateya “kesê pêbawer” biguherîne. Dadgehê Midyadê peyva “Amno” bi hêceta peyv “ne tirkî ye” û ne li gorî “qanûnên paşnavan e” serlêdana welatiyê sûryanî red kir. Parêzerê Aktaş, Rûdî Sumer îtîrazî biryara dadgehê kir lê tu encam bi dest nexist.
Sumer bi hêceta ku “qedexeya cudakirinê” û “rêzgirtina jiyana taybet û jiyana malbatê” di sala 2007’an de dozê bir DMME’yê. DMME’yê serlêdana parêzer di cih de dît û Tirkiyeyê mehkûm kir. DMME’yê biryar da ku Tirkiye hezar û 500 Euro tazmînata manevî bide Aktaş.
Parêzer Sumer anî ziman ku ev biryar ji bo dozên din jî biryarek emsal e. MÊRDÎN
