TJA çarçeweya kampanyaya xo ke daye destpêkerdene de tewrê maçê Tîmê Cinîyan yê Amed Sporî bîye
Tevgerê Cinîyanê Azadan (TJA) çarçeweya kampanyaya xo ya 6 aşman ke bi siloganê ‘Seba bedilnayîş û azadîye ti zî weriz payan ser’ dîya destpêkerdene de tewrê maçê Tîmê Cinîyan yê Amed Sporî ke lîgê yewine de kay keno bîye. Maço ke mabenê Amed Spor û ALG Sporî de ame kaykerdene de aktîvîstê TJAye, parlementerê Partîya Demokratîke ya Şaran (HDP), dezgeyê cinîyan û xeylê cinîyê bînî tewrê maçe bîyî. Maço ke ame kaykerdene de dovîzê ‘Ma nengan nêerzenî, ma golan erzenî’, ‘Cinî heme raşteyan de ya’ ameyî akerdene û lolîpopê ke ser de ‘Ma nêwazenê bimirî’ nuştebî ameyî wedartene. AMED
