TKP-ML’ê bi daxuyaniyeke nivîskî salvegera 43’emîn a damezirandina PKK’ê pîroz kir û wiha got: “Em salvegera 43’yan a PKK’ê (Partiya Karkerên Kurdistanê ) bi hîsên xwe yên şoreşger silav dikin, di têkoşînê û destkeftinan de berdewama serkeftinê dixwazin.”
TKP-ML’ê di peyama xwe de bal kişand ser têkoşîna gerîlayên azadiyê yên Kurdistanê û ev tişt anî ziman: “Têkoşîna gerîla di dilê gelê kurd de cihekî kûr daniye. Li Garê, Avaşîn, Behdînan, Zap, Werxelê û li gelek deverên Qadên Parastinê yên Medyayê hêzên TC ya dagirker têne şikandin. Li gel êrîşên kîmyewî yên TC’ê jî nekarîn têkoşîna gerîla bişkînin, berevajî derbên giran li artêşa tirk a faşîst dixin. Her wiha li gel tecrîd û îşkenceyê ku ev 22 sal in TC li ser Rêberê PKK’ê Abdullah Ocalan daniye, Têkoşîna Azadiya Neteweyî ya Kurd nekarîn ku rawestînin. Li gel zext û zordarî, girtin û îşkenceya li ser rêxistiniya demokratîk a neteweya kurd jî nekarîn qêrîna gelê kurd a li kuçeyan bi paş ve bibin.”
