Tornê Seyîd Rizayî Rustem Polat şaristanê Mainzî yê Almanya de ewro serê sibayî de şi heqîya xo.
Polat serê sibayî dima ke krîzê qelbî derbaz kerd wedarîya nêweşxane û la rixmê xîretan zî nêxelisîya.
Siba do semedê Rustem Polatî Cemxaneyê Gustavsburg AKMCyî yê Mainzî de merasîmêk bêro kerdene û dima zî serê wesîyetê Polatî cenazaya ci do dewa Pîxamî ya Xozatî de kişta gora dayîka ci de bêro definkerdene.
Rustem Polatî xîret kerdêne ke sere de gorê Seyîd Rizayî gorê pîranê ke Terteleyê Dêrsimî de ameybî qetilkerdene bêrê eşkerakerdene. MAINZ
