Donal Trumpî seba ke Tirkîya plan kena ke leşkeran bierşawa Lîbya a hîşyar kerde û nê planî sey ‘mudaxeleyê karanê zereyî yê Lîbya’ ercnayî
Erdogan wazeno ke seba ke leşkeran bierşawo Lîbya bi reyanê AKP û MHPyî tezkere bido tesdîqkerdene. Serekê DYA Donald Trumpî derheqê tezkereyê Lîbya de Erdogan hîşyar kerd.
Goreyê eşkerayîya Qesra Sipî Erdoganî û Tumpî bi rayîrê telefonî derheqê tezkereyê Lîbya de qisey kerd. Eşkerayîye de ame vatene: “Serek Trumpî vist vîrî ke her mudaxeleyo xerîb ê karanê zereyî yê Lîbya do biba semedê alozîye.”
Meclîsî de tezkereyê erşawitişê leşkeran amebi qebulkerdene. La bira nîhaîye destê Serekê Komara Tirkîya Erdoganî de yo.
Şerê zereyî yê Lîbya de Rûsya, Arabîstana Suûdî, Emîrîyanê Ereban ê Yewbîyayeyan û Misir bi hawayêkê eşkera, DYA û Fransa zî bi hawayêkê nimitkî paştî danê Halîfe Haftar. Tirkîya û Katar zî patî danê Hukmatê Pêkerdişê Neteweyî yê Lîbya.
La hukmatê Fayez es Saracî yo ke Tirkîya paştî dana ci se ra tewr zêde 10ê erdê Lîbya ser o serdest o. Hêzanê Mareşal Halîfe Haftarî yê ke erdê Lîbya ser o serdestîya ci zafêr ê kerd ke verê xo da paytextê Lîbya Trablusî.
