Komeleya Alikariya Malbatên Girtiyan a Wanê (TUHAY-DER), têkildarî çalakiya greva birçîbûnê ya dorveger û bêdem ku girtî 60 roj in bi armanca azadiya Rêberê Gelê Kurd Abdullah Ocalan didomînin, li avahiya komeleyê daxuyanî dan çapemeniyê. Hevserokê TUHAY-DER’ê Kînyas Başak diyar kir ku ji 7’ê Tebaxa 2019’an heta niha parêzer nikarin biçin Îmraliyê û Ocalan di tecrîdê de tê girtin.
Başak destnîşan kir ku pêkanînên li dijî Ocalan li dijî pîvan û peymanên Neteweyên Yekbûyî, CPT û xala Zagona Înfazê ya hêjmar 5275’an e û xwest Wezareta Dadê bi lez daxwazên girtiyan pêk bîne û tecrîdê bi dawî bike.
Her wiha Başak xwest hikûmet û wezaret gavên zagonî bavêjin û bi lez parêzer û malbat biçin bi Ocalan re hevdîtin bikin û bang li rêxistinên civakî û demokratîk jî kir xwedî li daxwazên girtiyan derkevin. WAN
