TUÎK netîceyê Sîstemê Qeydê Nufusî yê Goreyê Adresan yê 2018î aşkera kerd. Goreyê netîceyan Nufusê Tirkîye heta 31ê Kanûna 2018î 82 mîlyon û 3 hezar û 882 kesî yo.
Komeleya Îstatîstikan ya Tirkîye (TUÎK) netîceyê Sîstemê Qeydê Nufusî yê Goreyê Adresan yê 2018î aşkera kerd. Goreyê netîce Nufusê Tirkîye heta 31ê Kanûna 2018î 82 mîlyon û 3 hezar û 882 kesî yo. Goreyê TUÎKî nufusê Tirkîye goreyê serra par 1 mîlyon û 193 hezar û 357 kesî zêde bîyo û resayo 82 mîlyon û 3 hezar û 882 kesan.
Bajarê Tirkîye yê ke nufusê înan zêde yî: Bajarê 1. ke nufusa ci zêde yo: Stenbol o û nufusê ci 15 mîlyon û 67 hezar û 724 kesî yo. Bajarê 2. ke nufusa ci zêde yo Anqara yo û nufusê ci 5 mîlyon û 503 hezar û 985 kesî yo. Bajarê 3. Îzmîr o û nufusê ci 4 mîlyon û 320 hezar û 519 kesî yo. Bajarê 4. Bursa yo û nufusê ci zêdeyê 2 mîlyon û 994 hezar û 521 kesî yo. Bajarê 5. Antalya yo û nufusê ci 2 mîlyon û 426 hezar û 356 kesî yo. ANQARA
