Seba turê diyînî yê weçînayîşê serekkomarîye yê Tirkîya sindoqî saete 17.00 de qefilîyayî û raydayîş qedîya. Weçînayîş mabênê şefê hukmatê AKP-MHPyî yê faşîstî Erdogan û lîderê CHPyî Kemal Kiliçdarogluyî de ame kerdene.
Bi taybetî Vakurê Kurdîstanî de hema hema her cayê Vakurê Kurdîstanî de wextê raydayîşî de binpaykerdişî ameyî qeydkerdene.
Vakurê Kurdîstanî de polîs û cendermeyan çend reyî hêrişê şarî kerd.
Dewa Pêrmûko Corîn a merkezê Çewlîgî de terefgîranê AKPyî herinda ê kesanê ke teberê welatî de yê raye daye. Muşahîdê CHPyî rewşe rê îtîraz kerd la raştê hêrişê terefgîranê AKPyî ame. Goreyê agahîyan muşahîd seba ke asayîşê ganê ci çin o dewe ra şîyo.
Mêrdîn de qoricî û polîsan hêrişê wezîfedaranê sindoqe kerd.
Qezaya Xelîlîye de Wekîlê Partîya Çep a Keske Ferît Şenyaşar zî tede grûba Partîya Çep a Keske raştê hêrişî ame.
Colemêrg û Şirnex de polîsan û cendirmeyan pê gazanê îsotî û guleyan hêrişê şarî kerd.
Reyna xeylêk cayan de ray û pusulayê sexteyî şuxilîyayî.
