Komîteya Ocalanî rê Azadîye ya Îtalya çarçewa Hemleya Abdullah Ocalanî rê Azadîye, Meseleya Kurdan rê Çareserîya Sîyasîye de 14ê teşrîna peyêne de Unîversîteya Roma Tre de konferansê ‘Tirkîya de tepişteyanê sîyasîyan û sîstemê zîndanî’ do bêro kerdene.
Konferans de tecrîdê vera Rayberê Şarê Kurdî Abdullah Ocalanî û azadîya ey do bêrê nîqaşkerdene.
Komîteya Amadekarîye ya konferansî bi eşkerayîyêke pare kerd ke Rayberê Şarê Kurdî Abdullah Ocalan bi hawayêkê giranî yeno tecrîdkerdene. Eşkerayîye de bale ameye antene hêrişanê dewleta tirke yê vera Rojawanî ser û ame vatene ke dewleta tirke sivîlanê Rojawanî hedef kena.
Konferans 14ê teşrîna peyêne de, saete 15.30 de Unîversîteya Roma Tre de do dest pêbikero.
Bernameyê konferansî wina yo:
Beşo verên
Profesora Unîversîteya Roma Enrica Rigo û Hiqûqnase Maura Palma
Hetkarê Serekê Koma Îtîfaqê Çepan û Keskan Marco Grîmaldî
Parlementera HEDEPî ya Şirnexî Newroz Uysale
Avûkatê Abdullah Ocalanî Faîk Ozgur Erol
Avûkatê Abdullah Ocalanî yo îtalyan Arturo Salernî
Beşo diyîn:
Karîkaturîst Zerocalcare
Şaredarê 3. ê Roma Amedeo Ciaccheri
Endama Têgêrayîşê Cinîyan ê Kurdan Zîlan Dîyare
Vervatoxê Komîteya Abdullah Ocalanî rê Azadîye û senatoro verên Giovanni Russo Spena
Serekê Koma Keskan û Çekan ê Konseya Herêma Lazîo Claudîo Marotta. ROMA
