Şarê Vakurê Kurdistanî de wisaran debara xo pê vaşanê şîfayînan û pincaranê ke koyan û wareyan ra arê dîyenê, keno. Şar nê berhemanê tezeyan bazaran de roşeno.
Ebex, Şax, Erdîşa Wanê û Colemêrg de hemwelatîyî eleqeyêkê pîlî mojnenê vaşanê sey ribêsi kereng, karî sirîm, helîz ûsn. Şar nê vaşan qey zimistanî kenê wişk zî. Kîloyêkê nînan 5 lîra ra heta 30 lîra yo Par kîoyêkê rîbesan 5 lîra bi la emser krîzê ekonomîkî ra 20 lîra yo. Pincarê herême yo ke zaf namdar o, seba ke wextê ci vîyareno serê tezgehan de zî tay mend.
Wan de Aydin Uyaro ke vaşan û pincaran roşeno vano menga adare, nîsane û gulane wextê arêdayîşê vaşan o. Sewbîna Uyarî wina vat: “Ganî nê vaşî kokî ra nêrê arê dayene ke serra bîne zî bezreyanê xo ra newe ra zîl bidê.”
Necdet Aslanî zî îfade kerd ke nê vaşî şîfa yê û vat: “Emser vaya her çî zêdîyaya coka vaya vaşan reyna zî ercan a.” COLEMÊRG
