Duygu Delena (17) serrî vizêr Kuçeya Batikentî ya Dîlokî de keyeyê embazê xo Mehmet Kaplanî de qata 4. ra bi hawayêko şikin kewte war û cuya xo vindîkerde. Vejîya raşte ke Mehmet Kaplan şîdet bi Duygu Delene kerdo.
Derheqê hedîse de tehqîqat dîya destpêkerdene û Mehmet Kaplano ke lajê merdimêko dewlemendo ame tepiştene. Mehkemaya Cezaya Sulhî ya Dîlokî bi sucanê ‘mergê qestî yê merdimêk’ û ‘vera domanêk de hêrişê cinsî’ ra qerarê tepiştişê Mehmet Kaplanî daye.
Serdozgerîya Komarî ya Dîlokî derheqê dosyayî de qerarê nimitişî daye. DÎLOK
