Anqara û Îzmîr de vera buroyanê weçînayîşî yê Partîya Çep a Keske hetê kesanê nenasan ra hêrişê nîjadperestî ameyî kerdene.
Qezaya Mamakî ya Anqara de, buroyê Huseyîngazîyî ame hedefkerdene. Wezîfedaranê buroyî pare kerd ke bayraqê partîye ameyê dirnayene û buro de bayraqê tirkan ameyo daliqnayene.
Qezaya Menemenî ya Îzmîrî de di kesan hêrişê buroyî kerd û helê hêrişî medyaya komelkîye de vila kerdî. Îdarekaranê buroyî seba ke serrê hêrişkeran qij ê, gerreyê înan nêkerd.
