Merkezê Xeberan]
Serdozgerîya Komare ya Anqara derheqê çalakîyanê Kobanê yê 5-9ê teşrîna verên a 2014 î de 7 bajaran de derheqê 82 kesan de qerarê destbendkerdişî da. Çarçewa operasyonê qirkerdişê sîyasîyî de hemşaredar û wekîlê verênî yê Partîya Demokratîke ya Şaran (HDP) zî tede xeylêk kesî ameyî destbendkerdene.
Hemşaredarê Qersî Ayhan Bîlgenî, wekîlê verên ê HDPyî ê Anqara û Endamê Heyetê Îmraliyî Sirri Sureyya Onder, Endamê HDPyî yê RTUKî Alî Urkut, Endamê Komîsyonê Karanê Teberî yê yê HDPyî Nazmî Gur, Endamê verên ê merkezê HDPyî Can Memiş, wekîlê verên Altan Tan, Emîne Ayna, Endamê MYKyî Alî Urkut, Beyza Ustun, Gulfer Akkaya, Alp Altinors, Gunay Kubilay û Dilek Yagliye zî te xeylêk kesî sereştişê keyeyanê înan de ameyî destbendkerdene.
Cipersayîşo ke hetê Serdozgerê Komare ya Anqara Yuksel Kocomano ke rojanê ravêrtayan de Qesr de Serekkomar Erdogan zîyaret kerdbi, yeno rayraberdene, serrêke verê cu amebi destpêkerdene. Çarçewa cigêrayîşî de verî îfadeyê hemserekanê verênan ê HDPyî Selahattîn Demîrtaş û Fîgene Yuksekdag amebi girewtene. Demîrtaş dosyaya ke tepişte ameyêne muhakemekerdene ra ame tehlîkerdene, eynî roje ‘cipersayîşê Kobanê’ ra reyna amebi tepiştene.
