Meclîsê Wa Dêrsim Azad Bihêriko vera projeyê talanî yê Çimeyanê Munzurî ‘cemê yewîye’ girewt. Rêxistin û dezgehê elewîyan û xeylêk hemwelatî tewrê cemî bîyî. Hemwelatîyanê Dêrsimî bi dûayan çirayî vistî ta. Cemî ra verî bi kilmî eşkerayîyêke ameye dayene.
Serekê Şubeyê Pulurî yê Komeleya Pîr Sultan Abdalî Hidir Rakîpî eşkerayîye wende û da zanayene ke ê vera nê projeyî yê. Rakîpî pare kerd ke ê do nêverdê îbadetxaneyê elewîyan bibê cayê bazirganîye û ê do Çimeyanê Munzurî teslîm nêkerê.
Eşkerayîye ra dima dezgeh, rêxistin, komele û hemwelatîyan vera projeyê talanî ‘cemê yewîye’ girewt. DÊRSIM
