Qezaya Meramî ya Konya de vizêr AKP-MHPyîjanê ke hêrişê keyeyêkê kurdî kerd 3ê înan cinîyî 7 kesî qetil kerdî. Vera qirkerdişî nêrazîbîyayîşî zêdîyene. Baqê qirkerdişî heyetê Partîya Demokratîke ya Şaran (HDP) ke endamê înan ê merkezê partîye û avûtakî tede ca genê verê xo da Konya.
Hetê bînî ra CHPyî zî da zanayene ke înan semedê cigêrayîşê qirkerdişî heyetêk amade kerdo.
Baroyê Amedî semedê protestokerdişê qirkerdişê AKP-MHPyî ”Nobeta edaletî” daye destpêkerdene. Nobeta ke Salona Konferansî ya Tahîr Elçî de yena kerdene Hemserekê Baroyê Amedî Nahît Eren, endamê Komîsyonê Ziwanê Kurdkî û endamê Komeleya Huqûqnasan a Seba Azadîye OHD tewrê ci bîyî. Çalakîye de semedê keyeyê Dedeogullariyo ke ame qetilkerdene mûmî ameyî tafînayene.
Stenbol de Rêxistina HDPyî bi eşkerayîyêke qirkerdiş protesto kerd. Eşkerayîya ke Hemserkê Pêroyî yê Partîya Herêmê Demokratîkî (DBP) Keskin Bayindir, îdarekar û wekîlê HDPyî tewrê ci bîyî de vera faşîzmî mesajê têkoşînê hemparî ameyî dayene. KONYA
