Verfekê Koalîsyonê Vera DAIŞî Albay Myles Caggînsî da zanayene ke têkoşînê vera DAIŞî de hemkarîya înan ya HSDyî reyde dewam kena û va: “Ma derheqê endamanê nê koman ke tewrê Tirkîya hêrişê vakur û rojhelatê Sûrîye kenî de malumatan arê danî.”
Verfekê Hêzê Sûrîyeya Demokratîke (HSD) Kîno Gabrîel, Verfekê Resnayîşî yê HSDyî Mûstefa Balî û Verfekê Koalîsyonê Vera DAIŞî Albay Myles Caggînsî merkezê Koalîsyonî yê Mîyanneteweyî o ke keweno mabeê herêma Til Temir û Hesekê de eşkerayîyêka hempare dayî çapemenî.
Malays Caggensî vîrardişê 11 şervananê HSDyî yê ke cuya xo vindî kerdî de qisey kerd û va: “Ma keda HSDyî yê seba aştîye xo vîra nêkenî. Ma hetê têkberdişê DAIŞî de hetê madî û îdeolojîkî de bawer î. Seba ke çinkerdişê DAIŞî hetê madî de nîno mehneya çinkerdişê îdeolojîk. Na do çaçreweya xurtkerdişê têkolîya daîmî ya mabenê hêzanê ma û HSDyî de Dêrik ra heta Dêra Zorî do dewam bikera.”
Tewrê Tirkîya hêrişê vakur û rojhelatê Sûrîye kenî
Malays Caggense tewr peynî wina va: “Çeteyê DAIŞî û Cebhet El-Nusra ke hûmara înan 400 a tewrê Tirkîya hêrişê vakur û rojhelatê Sûrîye kenî. Wezîfeyê ma yê yewine çinkerdişê DAIŞî yo. Ma derheqê endamanê nê koman ke tewrê Tirkîya hêrişê vakur û rojhelatê Sûrîye kenî de malumatan arê danî. Hedefê ma yê yewin çinkerdişê DAIŞî yo, pawitişê sînor nîyo. Cok ra ma hêzanê xo sînor ra ant û ma Hesekê û Dêra Zorî de bi ca bîyî. Çimkî ma hewl danî de îdeolojîya DAIŞî çin bikerî.”
Awankerdişê zîndanan
Verfekê Resnayîşî yê HSDyî Mûstefa Balî zî qiseykerdişê xo de seba awankerdişê zîndanan yê goreyê şert û mercanê dinya veng kerd û wina va: “Zîndanê nika keye yî û tepişte mîyan de ameyî bicakerdene. Pawitişê zîndanan û temînkerdişê waştişê înan tena hêzê Amerîka ra nîno waştene, çimkî kamîya çeteyanê tepişte yê 60 dewletanê dinya yî. Ma texmîn kenî ke xeylê çete estî ke îtîrafkar bibî û malumatan bidî. Labelê seba ke 100 ra zêde çeteyî odeyêk de manenî kiştişê ra xo ra tersenî.”
