Newroza Amedî ya ke bi şîarê ”Wext wextê serkewtişî yo” ameye fîrazkerdene de hêrişê polîsan saetanê serê sibayî ra heta şanî dewam kerd. Seba ke polîsan destûr nêda şar bikewo warê Newroze, adirê Newroze kirişîya teberê meydanî. Polîsan hêriş kerd û 150ê înan domanî bi seyan kesî destbend kerdî. Kesê ke ameyî destbendkerdene Mudirîya Asayîşî ya Amedî de yenê tepiştene. AMED
