Platformê Cinîyan yê Dêrsimî awanîya KESKî de derheqê munaqeşeyanê tacîzî yê Unîversîteya Munzurî de eşkerayî da û waşt ke derheqê Cem Tekînogluyî de tehqîqat bidîyo detpêkerdene û îdîa bêra roşnkerdene
Platformê Cinîyan yê Dêrsimî awanîya Konfederasyonê Sendîkaya Kedkaranê Rayapêroyî (KESK) de derheqê munaqeşeyanê tacîzî yê Unîversîteya Munzurî de eşkerayî da çapemenî. Endamê platformî tewrê eşkerayî bîyî. Nameyê platformî ser Meral Yildize eşkerayî wende. Yildize dîyar kerde ke Tirkîye de taybetî serranê peyênan de komeleyanê selahîyetdaran de hedîseym tacîzî zêde bîyîû bidesan hedîseyê tacîz û tecawizî pê ameyî.
Eşkerayîya ke nameyê platformî ser Meral Yildize wende de wina yena vatene: “Dêrsim de xeylê malumatê tacîz û tecawizî ma rê yenî. Çi heyfo ke polîtîkayanê bê cezaverdişî vera ma her roje raştê hedîseyanê tacîz, tecawiz û şîdetî yenî. Ma her roje benî şahidê hedîseyanê winasî. Seba ke cezaya ferz bêra dayene û rayîrê şîdetî bêrî padayene, ma veng danî selahîyetdaran ke wezîfeyê xo bîyarî ca. Walî derheqê hedîseyê Dêrsimî de va ‘Ma do tehqîqatê edlî û îdarî akerî. Çîyo ferz do bêro kerdene.’ ma veng danî Walî ke gaman bierzo. Prosesê verênan de Cem Tekînoglu vernamzedê AKPyî yê parlementerî bî. Ganî nêro vîrîkerdene ke wendekara ke raştê şîdetî ameya tersan vera çîyêk nêvata. Ganî derheqê Cem Tekînogluyî de tehqîqat bidîyo detpêkerdene û îdîa bêro roşnkerdene.” DÊRSIM
