Çewlîg de awa çemî ser de şî û bî sebebê laserî. Laser Ceylana 15 serrî ke heywanan çerênayêne berd û cuya xo vindî kerde. Ame zanayene ke waka Ceylane seba xelisnayîşê waya xo, xo eşta awe û hetê birayê xo Ramazanî ra ameye xelisnayene
Hedîse nizdîyê dewa Buyukcagî ya qezaya Dara Hênê ya Çewlîgî de ame meydan. Goreyê malumatê ke ameyî herînayene Ceylana (15) ke laser aye berd û cuya xo vindî kerde, waka aye Aysel û birayê înan Ramazan Yaktiyî (13) heywananê xo berdî çerênayîşî û rayîrê agêyayîşê keyeyê înan de awa çemî ser de şî û laser virazîya. Ceylane seba ke heywan nêkewî laser vernîya înan pada û laser aye berde. Waka Ceylane, Aysele seba xelisnayîşê waya xo, xo eşte awe, la laser Ceylane berd. Aysele hetê birayê xo Ramazanî ra ameye xelisnaya.
Heyeto ke seba vînayîşê Ceylane erşawîya cayê hedîse saet 7.15î de cenazeya Ceylane vîna. Cenaze badê îşlemanê nêweşxane teslîmê keye ame kerdene û keye seba definkerdişî cenazeya berd dewe. ÇEWLÎG
