Vizêr vernîya Zîndanê Gebze de dayîkî seba ke bale biancê grevanê vêşanîye nobete girewte, la polîsan hêriş kerd û hemverê nê hêrişê polîsan de reaksîyono pîl ame dayene. Naye ser Walîtî mecbûr mend ke derheqê hêrişî de cipersayîş bido destpêkerdene
Dayîkê ke vizêr vernîya Zîndanê Gebzeyî yê Tîpê Myî de waşt ke bale biancê serê halê domananê xo yê grevê vêşanîye de yê polîsan hêrişê înan kerd û no hêriş bi sebebê reaksîyonê pîlî. Naye ser Walîtîya Kocaelî tena eşkerayîyêka yew cumle cipersayîş da destpêkerdene. Eşkerayîya Walîtîye de ame vatene: “Derheqê wezîfedaranê asayîşî yê ke gama mudaxeleyî de hedê erk û meqsedê xo ravêrtê muameleyê cigêrayîş û cipersayîşî ameyo destpêkerdene.”
Çalakîya nobete ya dayîkanê tepişteyan ê ke seba wedaritişê tecrîdê serê Rayberê Şarê Kurdî Abdullah Ocalanî zîndanan de kewtê çalakîya grevê vêşanîye do ewro zî dewam bikero. Çalakîya nobete bi beşdarîya parlamenteranê Partîya Demokratîke ya Şaran do saet 12.00î de vernîya zîndanî de bêro viraştene. KOCAELÎ
