Walîtiya Dersimê çalakiyên demokratîk ên li dijî qeyûman li Amed, Wan û Mêrdîn tên li darxistin wekî hincet nîşan da û diyar kir ku ji bo mehekê çalalakî qedexe kirine
Walîtiya rejîma AKP/MHP’ê yê Dêrsimê, çalakiyên li Wan, Mêrdîn û Amedê li dijî qeyûm tên li darxistin hincet nîşan da û ji bo mehekê çalakiyên demokratîk û civakî li Dêrsimê qedexe kirin. HDP’ê ji bo 4-5’ê îlonê ji bo tevahiya Tirkiye biryara çalakiyan dabû. Walîtiyê bal kişand ser biryara HDP’ê ya çalakiyan û diyar kir ku ji xeynî çalakî û bernameyên ku Walî û Qeymeqam guncav bibîne hemû çalakî ji bo 30 rojan hatine qedexe kirin.
HDP 2 rojin li Kolana Hunerê ya Dêrsimê li dijî tayînkirina qeyûman çalakiya rûniştinê li dar dixin. Walîtiyê biryar teblîgî HDP’ê kir. Hevserokên HDP’ê yên Dêrsimê Ozlem Toprak û Hidir Çîçek, bi amirên polîsan re hevdîtin kirin û diyar kirin ku çalakiyên ew li dar dixin li gorî hiqûq û qanûnan e. Hevserokan anîn ziman ku ji ber çalakiyên wan mafekî qanûnî û rewa ye dê çalakiyên xwe berdewam bikin. Çalakiya HDP’ê ya li Kolana Hunerê berdewam dike. DÊRSIM
