Waliyê Amedê li Çinarê bi keyayan re civîn li dar xist. Walî ji keyayê taxa Ovabagê Ahmet Gulen re got;“Li cihek 600 hilbijêrên wê hene, heke ji Ak Partiyê re 8 deng derkevin êdî ne li benda xizmetê bin.”
Walîtiya Amedê beriya hilbijartina xwecihî li navenda Amedê û li navçeyên wê bi keyayan û rûspîyan re civînan li dar dixe. Waliyê Amedê Hasan Basrî Guzeloglu jî tev li van civînan dibe. Walî Guzeloglu duh li Hîpodroma Amedê bi keyayên li Navçeya Çinarê re civîna hilbijartinê li dar xist. Guzeloglu di civînê de ji keyayan xwest ku ji bo AKP’ê bixebitin û hat gotin ku hin keyayan hişyar kiriye. Guzeloglu rexne li keyayê Taxa Ovabagê Ahmet Gulen ku di hilbijartina 24’ê hezîranê de ji 600 dengan 6 deng ji AKP’ê re derketin kir û hişyar kir û wiha got: “Heke di vê hilbijartinê de ji Ak Partiyê re 8 deng derkevin, êdî ne li benda xizmetê bin.” AMED
