Emserr Newroze bi şîarê ‘Her ca Newwroze her ca Azadî’ do bêra pîrozkerdene. Endama Komîteya Tertîpî ya Newroza Wanî Ceyda Dînlare derheqê amadekarîya Newroza ke do emserr dîyarîya kesê ke erdlerzî de dinyaya xo bedilnayî bêra kerdene de qisey kerd.
Ceyda Dîndare ard ziwan ke înan dest bi amadekarîya Newroze kerd û do Wan de bi şîyarê ‘Her ca Newwroze her ca Azadî’ raşteyan de bibê.
Do serewedarnayîş biqîrê
Dîndare da zanayene ke emserr înan bi dejê erdlerzo ke 11 bajaran girewt binê tesîrê xo, Newroze pêşwazî kenê û wina dewam kerd: “Newroze her serre bi coş ameyêne pîrozkerdene. La çi heyfo ke ma dejê şarê xo pare kenê. Raşteyê Newroze sembolê aştî, azadî û seyyewbînanî yî. Vernîya ma de demêk muhîm yê weçînayîşî esto. Nê demê weçînayîşî reyde ma do serewedarnayîşê xo raşteyanê Newroze de biqîrê. Ma xebata xo bi hawayêkê xurt her ca de rayra benê.”
Tecrîd pêroyê hetan ser de tesîr viraşt
Dîndare qiseykerdişê xo yê peyênan de bale ant tecrîdo girankerde ke serê Rayberê PKKyî Abdullah Ocalanî de yeno kerdiş ser û vat: “Newroza 2023yî do biba nuqtaya şikitişê tecrîdî. Do şarê Kurd raşteyan de bi coşê xo tecrîdî bişikino. Tecrîd pêroyê hetan ser de tesîr viraşt o. Ma heme şarê xo bi hawayêkê xurt dawetê raşteyanê Newroze kenê.” WAN
